মুখ্য পৃষ্ঠা
06/04/2514:55
• ফাগুনৰ উক্তি •
ভালপাওঁ বুলি নকলোয়ে বাৰু
তাতেনো কিয় এনেকৈ অভিমান কৰা ;
শিমলু পলাশ দাল ভৰি ফুলিছে
এইয়া যে মোৰেই ভালপোৱা |
বৰষুণ হৈ নাহিলোয়ে বাৰু
তাতেনো কিয় মন মাৰি আছা ;
বসন্তলৈ দিনচেৰেক অপেক্ষা কৰা
সেউজীয়া বোৰ আকৌ দেখিবা |
ধূলিময় পদূলিত মদাৰ সৰিছে
তুমি গচকিবা জানোচা ;
ৰাঙলী দলিচাত হাত বুলাই
মোৰ দুখত তুমি নাকান্দিবা |
মলয়া হৈ চুই চালো তোমাৰ দুগাল
লাজুকী আভা পৰিলে জিলিকি ;
নীলাজ হৈনো কেনেকৈ জোকাওঁ
বোৱাৰী পুৱাতে ন কন্যাৰ ওৰণী দেখি |
শুভ্ৰ শিমলু তুলা হৈ উৰি আহিছো
লোৱা মোক দুহাতে আকোৱালি ;
স্বপ্ন নহয় এতিয়া মই
নকৰো দীঘল চুলি টাৰি আউলি বাউলি |
___ৰাজু কলিতা
19/02/15
